Онда Т-72 танкісімен оқ ату және әскери техниканы жүргізу шаралары ұйымдастырылады. Танк биатлонына даярлық шеңберінде танк бөлімшелері далалық шығу жағдайларында ату даярлығы мен жауынгерлік машиналарды жүргізу бойынша сабақтарын өткізеді.
Естеріңізге сала кетсек, 2013 жылы Мәскеу түбіндегі Алабино полигонында өткен тұңғыш танк биатлоны бойынша халықаралық жарысында қазақстандық әскери қызметшілер командасы Беларусь және Армения танк экипаждарын соңдарына қалдырып, екінші орынды иеленген болатын. Ағымдағы жылы биатлон бойынша көрсеткіштерді жақсарту мақсатында және жеңімпаздар қатарына ену үшін, экипаждың әрбір мүшесі өзінің практикалық біліктіліктерін, атап айтқанда жүргізуші-механиктер - танкімен түрлі кедергілері бар жолдардан өту, нысанашы - көрінген және қозғалмалы нысанаға бірінші болып барынша дәлдікпен ату, танк командирлері - НСВТ зеңбірегінен жоғары дәлдікпен оқ ату біліктіліктерін жаттықтыруда. Танк қару-жарағынан ату мен жауынгерлік техникаларды жүргізуден басқа, экипаж құрамы дене даярлығымен де айналысады. Танк биатлонына даярлық барысында 21450 әскери бөлімінің 3-ші танк батальонында 2-ші взводтың 9-шы танк ротасы взвод командирі лейтенант Т.Дошановтың жетекшілігімен 9 танк взводының ішінде ең жоғары көрсеткіштерді көрсетті.