АСТАНА. KAZINFORM — Қазақстандық теннисші, әлемнің 75-ракеткасы Юлия Путинцева Майами (АҚШ) WTA 1000 турнирінің екінші айналымына шықты.
Қазақстандық теннисші бастапқы бәсекесін әлемнің 40-ракеткасы, индонезиялық Джанис Тьенмен өткізді. Бұл олардың өзара бірінші кездесуі еді.
Бірінші партия 6:3 есебімен Тьеннің еншісінде кетті. Бұдан кейін Путинцева камбэк жасай білді — 6:3, 6:4.
Екі сағат 6 минутқа созылған тартысты матчта Путинцева 2 эйспен бірге 8 брейк-пойнттың үшеуін пайдаланды. Тьен 12 эйс жасап, 2 брейкпен (6 брейк-пойнт) көзге түсті.
Юлия Путинцева үшінші айналымға шығу үшін Қазақстанның бірінші, әлемнің 2-ракеткасы Елена Рыбакинамен таласады.
Е.Рыбакина 2023 және 2024 жылдары Майамиде финалға дейін жеткен еді. Өткен жылы Путинцева да, Рыбакина да екінші айналымнан аса алмаған болатын.
Еске сала кетейік, бұдан бұрын Бейбіт Жұқаевтың жұптық сында Мексикадағы жарыстың ширек финалына шыққанын жазған болатынбыз.
18 жастағы Әмір Омарханов бір күнде екі матчты жеңіспен түйіндеді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).