Мажарстанда Қазақстан Президентін ресми қарсы алу рәсімі өтті
БУДАПЕШТ. KAZINFORM – Мажарстанға мемлекеттік сапармен барған Президент Қасым-Жомарт Тоқаевты Будапешт қаласындағы Король сарайының Арыстандар алаңында ресми қарсы алу рәсімі өтті, деп хабарлайды Ақорданың баспасөз қызметі.
Мемлекет басшысын әскери оркестрдің сүйемелдеуімен Мажарстан Премьер-министрі Виктор Орбан қарсы алды.
Құрмет қарауылының бастығы рапорт бергеннен соң, екі елдің мемлекеттік әнұрандары шырқалды. Содан кейін Құрмет қарауылы мен салт атты гвардия салтанатпен сап түзеп өтті. Қасым-Жомарт Тоқаев пен Виктор Орбан бір-біріне ресми делегация мүшелерін таныстырды.
Қазақстан Президенті Мажарстанға мемлекеттік сапармен барғанын хабарладық. Сондай-ақ Тоқаев пен Орбан Мажарстан мен Германия арасындағы футбол матчын тамашалады.
Оқи отырыңыз, Kazinform тілшісі Қазақстан мен Венгрия қарым-қатынасын шолып, даму жолына көз жүгіртті.