ОРАЛ. 12 мамыр. ҚазАқпарат - 12 мамыр - Халықаралық медбикелер күніне орай Батыс Қазақстан облыстық ауруханасының медбикелері облыстық балалар үйіне қайырымдылық көмегін көрсетті.
«Балаларға қуаныш сыйлайық» атты шараға аталмыш аурухананың 498 орта буын қызметкері үлес қосты. Жиналған қаржыға екі компьютер, қос принтер алынып, балалар үйіне тарту етілді. Медбикелер өз мерекелерін осылай атап өтуді ұйғарған.
Аталмыш балалар үйінде 90 жеткіншек тәрбиеленуде. Компьютер олар үшін өте қажет. Балалар үйінің тәрбиеленушілері өздеріне қолұшын созған облыстық аурухана өкілдеріне ризашылықтарын білдіріп, концерт қойды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).