АСТАНА. ҚазАқпарат – Мехико метросында пойыздар соқтығысып, 60 адам жарақаттанды. Бір адам қайтыс болды, деп хабарлайды ҚазАқпарат euronews-ке сілтеме жасап.
Мексика БАҚ-тары жариялағандай, ел астанасының метросындағы апаттан 60 адам жарақаттанған, оның 35-і ауруханаларға жатқызылды. Бір адам көз жұмды.
Апат сенбі күні таңертеңгі уақытта метрополитеннің 3-желісіндегі стансалар арасында болған. Себебі әзірге анықталған жоқ.
Мехико метросында бұған дейін де апаттар болған. 2020 жылғы наурызда «Такубая» стансасында екі пойыз соқтығысты. Ол кезде де бір адам қайтыс болып, 40 жолаушы жарақаттанды. Ал, 2021 жылғы мамырда 12-желідегі стансалардың бірінде жолаушылар пойызы жүріп бара жатқан эстакада опырылып, 26 адам зардап шеккен.
Гүлнұр Ғазизқызы
Әл-Фараби атындағы ҚазҰУ журналистика факультетінің түлегі. Еңбек жолын «Қазақ әдебиеті», «Сақшы» газеттерінен бастаған. «Дала мен Қала» республикалық қоғамдық-саяси апталығында тілші, жауапты хатшы болып істеді. «Қазақстан-Ақтау» телеарнасының тілшісі, «Қазақстан» Ұлттық арнасының Маңғыстау облысындағы меншікті тілшісі, Маңғыстау облысы әкімі баспасөз қызметінің бас маманы, «Қазақстан» РТРК» АҚ Маңғыстау облыстық филиалы директорының орынбасары – бас редакторы болды.
Ақпарат саласының үздігі.
«ҚР Президенті телерадиокешенінде» 2022 жылғы 1 сәуірден бастап істейді. Kazinform халықаралық ақпарат агенттігі басқарушы директорының орынбасары – қазақ редакциясының бас редакторы.