МЕХИКО. KAZINFORM – Мексиканың солтүстігінде дәмханаға қарулы шабуыл жасалып, 9 адам қаза тапты. Бұл туралы Анадолы агенттігі жазды.
Мексикалық ақпарат құралдарының хабарлауынша, шабуыл Гуанахуато штатындағы Апасео-эль-Гранде қаласында болған. Шабуылшылар кафе мен жақын маңдағы тұтынушыларға оқ жаудырған.
Шабуыл салдарынан 9 адам қаза тауып, тағы 5 адам жараланды.
Куәгерлердің айтуынша, шабуылдаушылар алдымен дәмханадағы адамдарға оқ атқан, кейін басқаларға кездейсоқ оқ жаудырған.
Оқиға орнына көптеген полиция күштері жіберілді. Шабуыл жасағандарды ұстау үшін ауқымды операция басталды.
Жарасқан Нұрыбаев
Нұрыбаев Жарасқан Бекназарұлы
1990 жылдың 12 қаңтарында Өзбекстан Республикасында туған.
"Низами" атындағы Ташкент Мемлекеттік Педагогика Университетінің түлегі.
Газет және телеарналарда тілші әрі тележүргізуші қызметін атқарған.
Бірнеше Халықаралық ақындар мүшәйрасының жүлдегері.
Қазіргі таңда ҚР Президентінің Телерадиокешенінде "Қазақпарат" ХАА шығарушы редакторы