Мексикада құпия крематорийден адам сүйектері табылды

Мексиканың батысында қылмыстық топтар өз құрбандарының мәйіттерін көміп келген жасырын крематорий табылды. Kazinform бұл туралы Еuronews-ке сілтеме жасап хабарлайды.

Елдің батысындағы Халиско штатында жасырын крематорийден адам сүйектері табылды. Бұл орынды «Madres Buscadoras de Jalisco» із-түзсіз жоғалғандардың аналары іздеу тобы анықтады.

Прокуратура тергеу амалдарын бастады.

Жоғалғандарды іздеп жүрген топтардың сендіруінше, есірткі картельдері мен басқа да қылмыстық топтар өз құрбандарын пеште өртеп, із жасырған.

Ұлттық іздеу комиссиясының мәліметінше, із-түзсіз жоғалғандардың дені Халиско штатынан: 120 мыңнан астам адамның 15 мыңы. Адам жоғалу оқиғаларының дені 2006 жылы басталды. Ол кезде үкімет есірткіге қарсы күрес жариялап, зорлық-зомбылық күрт артып кетті.