Мексикада пошта жөнелтілімінен 2 мыңға жуық граната табылды
09:13, 22 Қаңтар 2018
АСТАНА. ҚазАқпарат - Мексика Федералдық полициясының барлау басқармасының қызметкерлері 1960 жарқыншақты граната салынған жөнелтілімді ұстады. Ол Тамаулипас штатынан ел астанасына жіберілген, деп жазды жексенбі күні El Universal газеті.
40 картон қорапқа салынған гранаталар Мехикода жөнелтілімдерді сараптау орталығында кинологиялық бөлімшенің иттерінің көмегімен табылды.
Билік өкілдерінің болжамына қарағанда, жүк астанадағы және қала маңындағы қылмыстық топтарға «Гольфо» есірткі картелі жіберген болуы мүмкін.