Министрдің айтуынша, 2020 жылға қарай мемлекеттік бюджет тапшылығын ЖІӨ-ге 1,4 пайызға дейін төмендету жоспарланады. Мұның өзі мемлекеттік қарызды ең төменгі деңгейде ұстап тұруды қамтамасыз етеді.
«Бұл ретте Ұлттық қор қаражаты шектеулі мөлшерде ғана пайдаланылатын болады әрі мұнай табыстарын сақтау саясатын жалғастыру қамтамасыз етіледі. Ал Ұлттық қор қаражатын пайдаланудың тиімділігін арттыру және оның жинақ функциясын күшейту үшін Қордағы төмендетілмейтін қалдық қаражат ЖІӨ-нің 30 пайызына тең болып отыруы керек», - деді Е. Досаев.