Мемлекеттік мекеме басшысы қамқорлығы үшін кәсіпкерден 2 млн теңге пара алған
Оның айтуынша, Сыбайлас жемқорлыққа қарсы іс-қимыл ұлттық бюросының Алматы облысы бойынша департаменті «Алматыжолзертхана» республикалық мемлекеттік мекемесі басшысына қатысты сотқа дейінгі тергеу жүргізіп жатыр.
«Ол ЖШС директорынан жүзеге асырып жатқан кәсіпкерлік қызметіне қамқорлығы үшін жалпы сомасы 2 млн теңге пара алды деп күдікке ілікті. Кінәсін толық мойындауына байланысты күдіктіге қатысты кепіл түріндегі бұлтартпау шарасы қолданылды. Тергеу жалғасуда», - деді Арман Бердалин.
Департамент басшысының айтуынша, мұндай қылмыстар «Қазавтожол» ұлттық компаниясы» акционерлік қоғамы филиалының және Павлодар облысы бойынша «Павлодаржолзертхана» республикалық мемлекеттік мекемесінің лауазымды тұлғаларына қатысты да анықталған. Қазіргі таңда іс сотта қаралып жатыр.