ОРАЛ. 7 ақпан. ҚазАқпарат - БҚО мамандандырылған ауданаралық экономикалық сотына өткен жылы 2627 талапарыз түсіп, соның 2076-сы бойынша өндірісі аяқталған.
Сот төрағасы Самат Жанұзақовтың айтуынша, соның ішінде 1620 азаматтық іс бойынша шешім шығарылған. Өткен жылы мемлекеттік сатып алуға қатысты істер саны өсіп, 2011 жылғы 419-дан 572-ге жеткен. Апелляциялық тәртіппен 363 шешім қаралған. Күші жойылған және өзгертілген сот актілерінің үлесі 3,6 пайызды құрады.
Сот шешімдері бойынша 414,9 млн. астам теңге өндірілсе, 69,5 млн. теңге мемлекет пайдасына төленді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).