Мемлекеттің есебінен күн көру әдетінен арылу керек ? Эссекс университетінің түлегі Данияр Нұрғалиев

АСТАНА. Мамырдың 7-сі. ҚазАқпарат /Ризвангүл Садықова/ - «Болашақ» бағдарламасының әлеуетті үміткерлері мен Қазақстанның барлық жастарының игі бастамаларына үлкен табыстар тілегім келеді. Тырысыңдар, талпыныңдар, ал ең бастысы, өз болашақтарыңыз бен елдің келешегі сіздердің қолдарыңызда екенін естен шығармаңыздар!

Эссекс университетінің түлегі, Экономика және бюджеттік жоспарлау министрлігі Макроэкономикалық талдау және болжау департаментінің сарапшысы Данияр Нұрғалиевтың жүрекжарды тілегі осындай. - Өзіңіз туралы, отбасыңыз туралы қысқаша айтып өтсеңіз. Сіздің өмірлік жолыңызды қандай атаулы оқиғалар мазмұндады? - Мен қызметкерлердің зиялы отбасында дүниеге келдім. Әкем еңбек жолын «КазОхотРыболовСоюз» одағының президенті қызметімен аяқтады. Анам - подполковник, Ішкі істер органдарында 25 жыл еңбек етті. Ата-анам мені сүйіспеншілікте тәрбиеледі, маған барлық жақсыны беруге, үйретуге тырысты. Олардың өмірге деген талпыныстары, еңбексүйгіштіктері, қандай жағдайда болсын, адал болуы мені тәнті ететін. Ағылшын тілін мен 5-ші сыныптан бастап терең үйрене бастадым, неге екенін білмеймін, шет тілін үйренуге қатты талпындым, бірақ ол кезде мен Англияда оқимын деп ойламаған едім. КИМЭП-те оқудың алғашқы жылдары мен үшін қиын болды, себебі мектепте сабақ қазақ тілінде өтеді, ал онда барлық сабақ ағылшын тілінде болатын. Үшінші курстың соңында оқып жүрген кезімде «Болашақ» мемлекеттік бағдарламасы туралы естіп, біліп, магистратуралық білімді шет елде аламын деп шештім. Керек мәліметтерді жинап, дайындалып, Эссекс университетіне оқуға түстім. Тест сынақтарын тапсырып, әңгімелесуден өткеннен кейін Англияға аттандым. Қазір мемлекеттік қызметтемін, Батыста болып, онымен жақын танысу мүмкіндігі үшін дән ризамын. Ол жақта бәрі тамаша деу, артық айтқандық. Дегенмен, бізде де әлі жетілдіретін мәселелер бар. Мен менің біліміме жұмсалған қаражаттың еш кетпегенін дәлелдеуге тырыспақпын, ел игілігі үшін еңбек ететін боламын. - Батыстық білімнің отандық білімнен айырмашылығы көп деп санайсыз ба? Шет елдегі өміріңіз сізге оқумен қоса, тағы не берді? - Батыстың білімі мен отандық білімді салыстыру маған қиындау болады, себебі мен елде американдық жүйе бойынша оқыдым да, ал батыста еуропалық жүйемен білім алдым. Біріншіден, біздің оқу орындарымызда жиі кездесетін сыбайлас жемқорлық мәселесін айтуға болады. Мен осыған орай батыс университетінде ондайдың не екенін білмейді десем, артық айтқандық емес, олай ету ешкімнің басына кірмейді. Екіншіден, оқытушылардың шәкірттеріне деген көзқарастары да әртүрлі. Батыстық оқытушылар жүйелі және прагматикалы ойлайды. Дәріс оқиды, пән бойынша сауалдар болса, белгілі бір уақыт белгілейді. Сен сабаққа бармасаң да болады, ол сенің жұмысың, ең бастысы, сен емтихан тапсырсаң болғаны. Өзі бастамаса, ол үшін ешкім оқымайтынын, алған білімі оның болашақ наны екенін студент сонда ғана түсіне бастайды. Маған қатты ұнағаны ? студенттердің білім алуларына жақсы жағдай жасалған. Оларда барлық жағдай бар: мегажедел интернет, жатақхана, т.б. Оған қоса, әр студенттің Интернетке қосылған өз ноутбугі бар, керек материалдар іздеуде оның қаншалықты маңызды екенін баршамыз жақсы білеміз. Студенттер кампусте тұрады, онда теннис корты, жабық және ашық футбол алаңдары, көптеген спорттық клубтар бар. Сондай-ақ кампустің ішінде дәмхана, дүкендер, түнгі клубтар бар. Барлық жерде студенттердің өздері жұмыс істейді, жалақы алады. Мұндай жағдайда оқығанның өзі жайлы. Бірақ та, субъективті қарайтын болса, айырмашылық оқу жағдайында немесе жүйесінде емес. Сол экономиканы өзімізде де оқуға болады, бірақ біздің жағдайда студенттердің білімге деген талпыныстары онша болмай отыр. Олар ешқандай перспектива көрмеуде. Мен өзге ортада өмір сүріп, көп нәрсені танып, білдім. Мені таң қалдырғаны ? адамдардың өздерін еркін ұстауы. Менің ойымша, осы фактор батыстың әлеуметтік өмірінде, олардың тұрмыстарының қазіргі мәдениетінде негізгі рөл атқаратын сияқты. - Жастарға, «Болашақтың» әлеуетті кандидаттары мен студенттеріне қандай тілек айтар едіңіз? Көптеген дарынды балалар үшін білімді жалғастыру - олардың мансаптық және жеке бастарының жетістіктерінің негізі деп санаймын. Сеніп тапсырылған міндетті ақтау, өз қатарларымен ғана емес, өздерінен үлкендермен де білім жарыстыруға талпынулары тиіс. Өз білімдерін бағалата білулері, адал және қайырымды болулары керек, бұл қасиеттерді ешкім сатып ала алмайды, бұл қасиеттерге тек жүректері ашық адамдар ие бола алады. Дарынды, білімді, алға қойған мақсаттардан танбаған адам ғана айналасындағылардың құрметіне ие болады. «Болашақтың» үміткерлері мен Қазақстанның барлық жастарының игі бастамаларына табыс тілегім келеді, оларға талпыныс, табандылық тілеймін. Тырысыңдар, талпыныңдар, ал ең бастысы, өз болашақтарыңыз бен елдің келешегі сіздердің қолдарыңызда екенін естен шығармаңыздар!», - дегім келеді.