Мемлекеттік сатып алу туралы бірқатар бұйрыққа өзгеріс енгізілді

АСТАНА. KAZINFORM – Қаржы министрлігі мемлекеттік сатып алу туралы кейбір бұйрықты өзгертті. 

Түзету енгізілген құжаттар:

- Квазимемлекеттік сектордың жекелеген субъектілерінің сатып алуды жүзеге асыру қағидалары;

- Шағын және орта кәсіпкерлік субъектілері, тауар, жұмыс, қызмет мемлекеттік сатып алуды жүзеге асыру қағидалары;

- Мемлекеттік сатып алуды жүзеге асыру қағидалары.

Сонымен қатар жаңа редакцияда:

- Мемлекеттік сатып алуды жүзеге асыру тәсілін уәкілетті орган айқындайтын тауар, жұмыс, қызмет тізбесі;

- Шағын және орта кәсіпкерлік субъектілері жүзеге асырылатын тауар, жұмыс, қызмет қағидалары мен мемлекеттік сатып алу көлемінің тізбесі.

Айта кетейік, биыл 1 қаңтарда «Мемлекеттік сатып алу туралы» заң күшіне еніп, отандық өндірушілерді қолдау шаралары іске қосылған еді. 

Сондай-ақ тамыз айында мемлекеттік сатып алу бойынша жеткізушінің қаражат аудару қағидасы бекітілді.