Ауылды жерлерде тексеруге келген мемлекеттік органдардың инспекторларына «мен жабылып қалдым» деген жалған ақпарат беретін кәсіпкерлер кездеседі. Бұл қулығының кесірінен ұтылатын тағы да сол жеке кәсіпкердің өзі.
«Бизнесменнің бұл іс-әрекеті мемлекеттік органдардың тексеруіне қарсылық білдірді деп бағаланып, 100 АЕК көлемінде айыппұл салынады. Бүгінгі күні осындай екі жағдай тіркелді. Біз оларды тексермей-ақ қояр едік, бірақ, прокуратура тарапынан наразылық түседі», - дейді облыстық қоғамдық денсаулық сақтау департаменті басшысының орынбасары Болат Қуанышбеков.