Мереке Көшекбаев ҚР Қарулы Күштері Құрлық әскерлерінің бас қолбасшысы лауазымына тағайындалды

АСТАНА. KAZINFORM – Мемлекет басшысының Жарлығымен ҚР Қарулы Күштері Құрлық әскерлерінің және «Оңтүстік» өңірлік қолбасшылығы әскерлерінің қобасшылары тағайындалды, деп хабарлайды Ақорданың баспасөз қызметі.

Мемлекет басшысының өкімдерімен:

Мереке Мәтімұлы Көшекбаев Қазақстан Республикасының Қарулы Күштері Құрлық әскерлерінің бас қолбасшысы лауазымына тағайындалды;

Ержан Уақасұлы Ыбыраев «Оңтүстік» өңірлік қолбасшылығы әскерлерінің қолбасшысы болып тағайындалды, ол бұрынғы атқарған лауазымынан босатылды.

Осыған дейін екі әскери лауазым иесі қызметінен босатылғанын хабарлаған едік.