«Мәжіліс пен барлық деңгейдегі мәслихаттардың мерзімінен бұрын сайлауын өткізу өте дұрыс. Қазіргі уақытта әлемде орын алып отырған экономикалық тұрақсыздық жағдайында нақты іс-қимыл қабылдайтын уақыт жетті. Сол себепті бұл бастама меніңше дер уақытында қабылданған шешім», - деді ол.
Оның пайымынша, Мәжілістің қазіргі шақырылымы 5 институттық реформаны жүзеге асырудың «100 нақты қадамы» Ұлтты жоспарын іске жаратуға қажетті заңнамалық базаны әзірлеудегі өз міндетін толығымен орындады.
«Сондықтан да бұл Мәжіліс өзінің тарихи миссиясын толығымен орындады деп санаймын», - деп қосты Қ.Әуесбай.
Ол сонымен қатар Мәжіліс пен барлық деңгейдегі мәслихат сайлауын бір мезетте өткізу сайлау науқанын ұйымдастыруға және өткізуге қажетті бюджет шығыстарын айтарлықтай қысқартатындығын атап өтті.