АСТАНА. ҚазАқпарат - Қазақстан және Аргентина футбол құрамалары 4 маусым күні Астанада жолдастық кездесу өткізуі мүмкін, деп хабарлайды Sports.kz.
Айта кетейік, 4 маусым - 2018 жылғы футболдан әлем чемпионатына қатысатын командалардың өтінім беретін соңғы күні. Сол себепті Аргентина футбол құрамасының бас бапкері Хорхе Сампаоли бұл матчқа кең құрамды (30-35 ойыншы) немесе шағын құрамды (23 ойыншы) шақыруы мүмкін.
Ресейде өтетін әлем біріншілігінде Аргентина құрамасы Исландия, Хорватия және Нигериямен бір топта бақ сынасады.
Ербол Жанат
ЕҰУ-да журналистика мамандығы бойынша бакалавриатты және магистратураны тәмамдаған. Стамбул мемлекеттік университетінде ғылыми тағылымдамадан өткен. «Qazaqstan» ұлттық телеарнасында, "Астана ақшамы" газетінде тілші болған. 2014 жылдан бері Kazinform ХАА-да шығарушы редактор қызметін атқарып келеді.