АСТАНА. ҚазАқпарат - Аргентина құрамасының шабуылшысы Лионель Месси футболдан 2022 жылғы әлем чемпионатының басты фавориттерін атады, деп хабарлайды ҚазАқпарат тілшісі.
«Аргентина үздік сегіз құраманың қатарында болғанына қуаныштымын. Біз футболдан мықты елдер қатарында екенімізді тағы бір мәрте дәлелдей алдық. Жанкүйерлер бізді әрдайым солай бағалайды. Әлем чемпионатындағы өзге ойындарды да бақылап отырмыз. Турнир басталғаннан Бразилия өте жақсы ойнап жатыр. Олар Камеруннан жеңілгеннен кейін де фавориттер қатарында қалады. Ал Франция, Испания құрамалары да жанкүйерлер көңілінен шықты», - деді Лионель Месси журналистерге берген сұхбатында.
Еске салсақ, бүгін, 5 желтоқсанда Жапония мен Хорватия, Бразилия мен Оңтүстік Корея құрамалары ойнайды.
Сондай-ақ 6 желтоқсанда Марокко мен Испания, Португалия мен Швейцария жасыл алаңға шығады.
ФОТО: ГОЛУБОВИЧ ДМИТРИЙ, «ЧЕМПИОНАТ»
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.