22:20, 12 Тамыз 2015

Месси, Роналду мен Суарес Еуропаның үздік футболшысы үштігіне енді

АСТАНА. ҚазАқпарат - Аргентиналық Лионель Месси ('Барселона'), португалиялық Криштиану Роналду ('Реал') және уругвайлық Луис Суарес ('Барселона') Еуропа футбол одағы қауымдастығы (УЕФА) нұсқасы бойынша 2014-2015 маусымдағы Еуропаның үздік футболшысы атағына лайықтылардың үш үздігінің қатарында.

Бұл туралы ұйымның баспасөз қызметінен хабарлады.

Үш номинант 10 үміткердің ішінен іріктелді. Олардың қатарында бельгиялық Эден Азар ("Челси"), италиялық Джанлуиджи Буффон ("Ювентус"), чилилік Артуро Видаль ("Ювентус" пен "Бавария"), бразилиялық Неймар ("Барселона"), итальяндық Андреа Пирло ("Ювентус" пен "Нью-Йорк Сити"), француздық Поль Погба ("Ювентус") мен аргентиналық Карлос Тевес ("Ювентус" пен "Бока Хуниорс") болды.

Әлем жаңалықтары Спорт Әлем

без автора