Меtа ЖИ оқыту үшін қарақшылық кітаптарды пайдаланды деп айыпталды

АСТАНА. KAZINFORM — Меta өзінің жаңа ЖИ моделін үйрету үшін қарақшылық Libgen кітапханасын пайдаланды, деп хабарлайды АЗЕРТАДЖ ақпарат агенттігі. 

Бұл зерттеуді америкалық The Atlantic журналы жүргізген.

Агенттіктің хабарлауынша, кітапханада авторлық құқықпен қорғалған швед туындыларын қосқанда 7,5 млн-нан астам кітап бар. Бұл швед авторларының наразылығын тудырды. 53 балалар мен жасөспірімдер жазушысы Швецияның Мәдениет министрі Париса Лильестрандқа оның араласуын талап етіп ашық хат жолдады. Олар Меtа-дан ашықтықты талап етеді және олардың қай шығармалары қолданылғанын білгісі келеді. Олар сондай-ақ өтемақы алуды және олардың жұмысын пайдалануға тыйым салу құқығын талап етіп отыр.

— Меtа жаңа мазмұн жасау және ақша табу үшін басқа адамдардың жұмысын пайдаланып отыр. Бізде көп миллиардтық корпорациядан қорғану үшін ресурс жоқ. Күрес үкімет деңгейінде жүргізілуі керек, — деді қол қоюшылардың бірі Инти Чавес Перес.

Ұлыбританияда бірнеше авторды, соның ішінде Нобель сыйлығының лауреаты Кадзуо Исигуроны ұрлық үшін айыптады.

Meta өкілінің The Guardian-ға мәлімдеуінше, компания айыптауларды мойындамайтынын және өзін және ЖИ моделін белсенді қорғайды.

Осыған дейін Әділет министрі Ерлан Сәрсембаев Үкімет отырысында Meta платформаларынан қазақ музыкасының жойылуы туралы пікір білдірді.