АСТАНА. 19 ақпан. ҚазАқпарат - Қазақстан аумағында метеориттің қалдықтары табылған жоқ. Бұл туралы бүгін Үкімет отырысынан кейін ҚР Төтенше жағдайлар министрі Владимир Божко айтты.
Министрдің айтуынша, метеорит Ақтөбе, Қостанай облыстарының үстінен ұшып өтті. Осы орайда министрлік дереу тиісті іс-қимылдар жасаған екен.
Бұл тұрғыда В. Божко метеориттің бөлшектері Ақтөбе облысы аумағына түсті деген ақпарат болғанын жеткізді. «Комиссияны бірқатар аудандарға жеткіздік, алайда метеориттің іздері анықталған жоқ», - деп түйді министр.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.