Microsoft жасанды интеллект деректер орталығына $80 млрд доллар инвестиция салады

АСТАНА.KAZINFORM — Microsoft 2025 қаржы жылында жасанды интеллекті бар дата орталықтарының құрылысына 80 миллиард доллар жұмсауды жоспарлап отыр, деп жазады NBS News.

Жасанды интеллект (AI) инфрақұрылымына жұмсалатын шығындардың жартысынан көбі АҚШ-тан келеді.

— Бүгінде Америка Құрама Штаттары серпінді стартаптардан бастап құрылған кәсіпорындарға дейінгі барлық көлемдегі америкалық компаниялардың жеке капиталға инвестициялары арқасында жаһандық ЖИ жарысында көш бастап келеді. Microsoft корпорациясында біз мұны OpenAI-мен серіктестігіміз, Anthropic және xAI сияқты өсіп келе жатқан фирмалар, сондай-ақ AI-ге қолдау көрсететін жеке бағдарламалық жасақтама платформалары мен қолданбалары арқылы өз көзімізбен көрдік, — деп жазды Microsoft президенті Брэд Смит.

Жетекші технологиялық компаниялар AI үлгілерін үйрету және іске қосу үшін Nvidia графикалық процессорларына миллиардтаған қаражат жұмсауға асығады.

2022 жылдың соңында іске қосылған OpenAI ChatGPT (жасанды интеллект чатботы) көмекшісінің жылдам қабылдануы генеративті ЖИ мүмкіндіктерін іске асырғысы келетін компаниялар үшін ЖИ жарысын бастады.

OpenAI-ге 13 миллиард доллардан астам инвестиция салған Microsoft корпорациясы стартаптарды бұлттық инфрақұрылыммен қамтамасыз етеді және оның үлгілерін Windows, Teams және басқа өнімдерге біріктіреді.