АСТАНА. ҚазАқпарат – Қазақстандық, әлемнің 262-ракеткасы Михаил Кукушкин Блумфилд Хиллс (АҚШ) челленджер турнирінің жартылай финалына жолдама алды, деп хабарлайды ҚазАқпарат тілшісі.
Қазақстандық теннисші ширек финалда әлемнің 180-інші, жарыстың 3-ракеткасы, америкалық Денис Кудламен шеберлік байқасты.
М.Кукушкин 6:4, 6:1 есебімен оңай жеңіске жетті.
Бір сағат 18 минутқа созылған бәсеке барысында Михаил 5 эйспен бірге 9 брейк-пойнттың төртеуін мүлт жіберген жоқ. Қарсыласы 2 эйс, 1 брейкпен шектелді.
Михаил Кукушкин финалға шығу үшін әлемнің 240-ракеткасы, тағы бір америкалық Теннис Сандгренмен таласады.
Әлемнің 138-ракеткасы Тимофей Скатов бүгін Карлсруэ (Германия) челленджер додасының жартылай финалында рейтингте 145-орындағы чилилік Алехандро Табиломен кездеседі.
Еске сала кетейік, бұдан бұрын Александр Бубликтік алғаш рет Уимблдонның төртінші айналымына шыққанын жазған болатынбыз.
Сондай-ақ қазақстандық жас теннисшілер Тегерандағы доданың финалына өтті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).