ОРАЛ. KAZINFORM - Қазақстандық, әлемнің 113-ракеткасы Михаил Кукушкин Брисбен (Аустралия) ATP 250 турнирінің іріктеу сайысын сәтті бастады.
Қазақстандық теннисші дүниежүзілік рейтингіде 204-орында тұрған италиялық Андреа Колларинимен шеберлік байқасты.
Бірінші партияны Кукушкин екі брейкпен тәмамдады - 6:2.
Екінші сетте де Михаил өз мүмкіндігін жіберген жоқ - 6:4.
Сағат жарымнан астам уақытқа созылған матчта Кукушкин 3 эйспен бірге 10 брейк-пойнттың төртеуін пайдаланды. Колларини 2 эйс, 1 брейкпен (7 брейк-пойнт) шектелді.
Қазақстандық спортшы іріктеу сайыстарының финалында рейтингіде 168-сатыдағы Аустралия өкілі Тристан Скулкейтпен кездеседі. Оны жеңсе, негізгі жарысқа жолдама алады.
Т.Скулкейт отандасы, әлемнің 82-ракеткасы Джеймс Даквортты жолдан тайдырды - 6:4, 6:4.
Еске сала кетейік, бұдан бұрын теннистен United Cup турнирінде Қазақстан құрамасының Испанияны жеңгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).