АСТАНА. KAZINFORM - Қазақстандық, әлемнің 231-ракеткасы Михаил Кукушкин Манама (Бахрейн) челленджер турнирінің финалына шықты.
Қазақстандық теннисші жартылай финалда әлемнің 129-ракеткасы, Чехия өкілі Якуб Меншикпен сынға түсті.
М.Кукушкин 6:3, 6:2 есебімен сенімді түрде жеңіске жетті.
Ол 1 сағат 23 минутқа созылған бәсеке барысында 2 эйспен бірге 12 брейк-пойнттың бесеуін өз есебіне жазды. Я.Меншик 3 эйс, 1 брейктен аса алмады.
Михаил Кукушкин финалда әлемнің 130-ракеткасы, франциялық Ришар Гаске немесе рейтингіде 160-сатыдағы босниялық Дамир Джумхурдың біреуімен чемпиондық атақты сарапқа салады.
Еске сала кетейік, бұдан бұрын атақты футболшының Рыбакинаның матчын тамашалағанын жазған болатынбыз.
Сондай-ақ Юлия Путинцева Дубай додасының іріктеу сайысын сәтті бастады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).