АСТАНА. KAZINFORM - Қазақстандық, әлемнің 113-ракеткасы Михаил Кукушкин Брисбен (Аустралия) ATP 250 турнирінің іріктеу сайысын сәтті өткізді.
Қазақстандық теннисші іріктеу сайыстарының финалында дүниежүзілік рейтингіде 168-орында тұрған корт иесі Тристан Скулкейтпен бақ сынасты.
М.Кукушкин 6:4, 6:4 есебімен екі сетте жеңіске жетті.
Бір сағат 37 минутқа созылған бәсеке барысында қазақстандық спортшы 6 эйспен бірге 5 брейк-пойнттың төртеуін пайдаланды. Т.Скулкейт 5 эйс, 2 брейкпен көзге түсті.
Осылайша, негізгі жарысқа жолдама алған Михаил Кукушкиннің келесі қарсыласы кейін анықталады.
Еске сала кетейік, бұдан бұрын Юлия Путинцеваның жаңа маусымды Брисбенде бастайтынын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).