АСТАНА. KAZINFORM – Қазақстандық, әлемнің 262-ракеткасы Михаил Кукушкин Тенерифе (Испания) челленджер турнирінің ширек финалына өтті.
Қазақстандық теннисші екінші айналымда әлемнің 235-ракеткасы, франциялық Жоффри Бланканомен бетпе-бет келді.
Бірінші партияда М.Кукушкин 5:2 есебімен алға кеткенімен, мәселе тай-брейкте шешілді – 7:6 (7:4).
Екінші сетте де қазақстандық спортшы 3:0 есебімен алға шықты. Бірақ бұл жолы да тай-брейкке дейін жетіп, онда М.Кукушкин сәтті ойнады – 7:6 (7:5),
Үш сағатқа жуық уақытқа созылған тартысты бәсеке барысында М.Кукушкин 1 эйспен бірге 8 брейк-пойнттың тең жартысын мүлт жібермеді. Ж.Бланкано 4 эйс, 4 брейкпен (14 брейк-пойнт) көзге түсті.
Михаил Кукушкин жартылай финалға шығу үшін әлемнің 379-ракеткасы, испаниялық Хавьер Косано Барранкодан өтуге тырысып көреді.
Еске сала кетейік, бұдан бұрын қазақстандық теннисшінің Аргентинадағы турнирдің ширек финалына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).