АСТАНА. KAZINFORM – Қазақстандық, әлемнің 247-ракеткасы Михаил Кукушкин Ноттингем (Ұлыбритания) челленджер турнирінің финалына шыға алмады.
Қазақстандық спортшы жартылай финалда әлемнің 250-ракеткасы, франциялық Маттео Мартиноға қарсы келді.
Франциялық теннисші 6:4, 7:6 (7:5) есебімен М.Кукушкиннің жолын бөгеді.
Сағат жарымнан астам уақытқа созылған бәсеке барысында М.Кукушкин 3 эйспен ғана шектелді. Қарсыласы 14 эйс жасап, 7 брейк-пойнттың біреуін пайдаланып кетті.
М.Мартино финалда әлемнің 198-ракеткасы, тағы бір франциялық Джованни Мпеши-Перрикармен бас жүлдені сарапқа салады.
Еске сала кетейік, бұдан бұрын Дмитрий Попконың АҚШ-та үш сағаттық матчта қарсыласын жеңіп, жартылай финалға өткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).