НОТТИНГЕМ. KAZINFORM – Қазақстандық, әлемнің 247-ракеткасы Михаил Кукушкин Ноттингем (Ұлыбритания) челленджер турнирінің ширек финалына жолдама алды.
Қазақстандық спортшы екінші айналымда әлемнің 194-ракеткасы, бельгиялық Йорис Де Лоремен бақ сынасты.
Екі сетте де 6:4 есебі тіркеліп, М.Кукушкиннің пайдасына шешілді. Бір сағат 18 минутқа созылған матчта ол 7 эйс жасап, 8 брейк-пойнттың екеуін өз есебіне жазды. Бельгиялық спортшы 13 эйс жасағанымен, брейкке маңайлай алған жоқ.
Михаил Кукушкин жартылай финалға шығу үшін әлемнің 225-ракеткасы, болгариялық Димитар Кузмановтан өтуге тырысады.
Еске сала кетейік, бұдан бұрын Дэвис кубогінде Қазақстан құрамасының қарсыласы анықталғанын жазған болатынбыз.
Сондай-ақ Елена Рыбакина Әбу-Даби турнирінің ширек финалына шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).