АСТАНА. KAZINFORM – Қазақстандық, әлемнің 247-ракеткасы Михаил Кукушкин Ноттингем (Ұлыбритания) челленджер турнирінің жартылай финалына шықты.
Қазақстандық спортшы ширек финалда әлемнің 225-ракеткасы, болгариялық Димитар Кузмановты қапы қалдырды.
Сағат жарымға созылған бәсекеде М.Кукушкин 6:3, 6:3 есебімен жеңіске жетті. Ол 5 эйспен бірге 7 брейк-пойнттың төртеуін құр жібермеді. Д.Кузмановтың есебінде 1 эйс, 1 брейк (3 брейк-пойнт) бар.
Михаил Кукушкин әлемнің 250-ракеткасы, франциялық Маттео Мартиномен финалдың жолдамасын сарапқа салады.
Еске сала кетейік, бұдан бұрын Елена Рыбакинаның Әбу-Даби турнирінің ширек финалына шыққанын жазған болатынбыз.
Сондай-ақ Михаил Кукушкин Ноттингем турнирінің ширек финалына жолдама алды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).