ОРАЛ. KAZINFORM — Қазақстандық теннисші, әлемнің 167-ракеткасы Михаил Кукушкин Оэйраш (Португалия) челленджер турнирінің екінші айналымына шықты.
Қазақстандық теннисші бастапқы кездесуін дүниежүзілік рейтингіде 200-орында тұрған италиялық Маттео Гигантемен сәтті өткізді.
Матч 6:4, 6:4 есебімен Кукушкиннің пайдасына шешілді.
Бір сағат 36 минутқа созылған бәсекеде қазақстандық спортшы 2 эйспен бірген 7 брейк-пойнттың үшеуін өз есебіне жазды. Гиганте 2 эйс, 1 брейкпен (4 брейк-пойнт) шектелді.
Михаил Кукушкиннің келесі қарсыласы кейін анықталады.
Тағы бір қазақстандық, рейтингіде 257-сатыдағы Денис Евсеев алғашқы айналымда әлемнің 122-ракеткасы, америкалық Тристан Бойермен шеберлік байқасады.
Еске сала кетейік, бұдан бұрын Александр Шевченконың Мюнхен турнирінде камбэкпен екінші айналымға шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).