АСТАНА. KAZINFORM – Қазақстандық теннисші, әлемнің 134-ракеткасы Михаил Кукушкин Рим мастерс турнирінің іріктеу сайысын сәтті бастады.
Қазақстандық теннисші іріктеу сайыстарының жартылай финалында әлемнің 100-ракеткасы, чилилік Кристиан Гаринді жолдан тайдырды.
Аса тартысты өткен матчта М.Кукушкин камбэк жасап, 5:7, 7:6 (11:9), 7:6 (7:2) есебімен жеңіске жетті. 3 сағат 15 минутқа созылған бәсеке барысында ол 1 эйспен бірге 8 брейк-пойнттың тең жартысын мүлт жіберген жоқ. Гарин 15 эйс, 5 брейкпен (9 брейк-пойнт) ерекшеленді.
Михаил Кукушкин іріктеу сайыстарының финалында әлемнің 142-ракеткасы, аргентиналық Диего Шварцманмен ойнайды. Шварцманды жеңсе, негізгі турнирге жолдама алады.
Еске сала кетейік, бұдан бұрын Александр Бубликтің әлемдік рейтингіде рекорд орнатқанын жазған болатынбыз. Сондай-ақ Юлия Путинцева әлемдік рейтингіде ТОР-40-қа жақындады.
Қазақстандық жас теннисшілер Албаниядағы жарыста жеңімпаз атанды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).