ПАРИЖ. KAZINFORM — Қазақстандық, әлемнің 135-ракеткасы Михаил Кукушкин Ролан Гаррос турнирінің іріктеу сайысын сәтті өткізді.
Қазақстандық теннисші іріктеу сайыстарының финалында әлемнің 206-ракеткасы, Италия өкілі Франческо Маэстреллимен тартысты кездесуде жеңіске жетті.
М.Кукушкин қарсыласын 6:4, 6:7 (4:7), 6:3 есебімен ұтты.
Екі сағат 42 минутқа созылған бәсеке барысында Кукушкин 1 эйспен бірге 9 брейк-пойнттың бесеуін пайдаланды.
Маэстрелли 11 эйс жасап, 4 брейк-пойнттың үшеуін мүлт жібермеді.
Осылайша Михаил Кукушкин негізгі жарысқа жолдама алды.
Еске сала кетейік, бұдан бұрын Тимофей Скатовтың Германиядағы турнирдің финалына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).