«Сарапшылар тобының алғашқы отырысы да өткен жылдың қарашасында Минскіде өткен. Бұл Армения, Беларусь, Қазақстан, Ресей Федерациясы, Тәжікстан өкілдері мен сарапшылары, сонымен қатар ТМД Атқарушы комитетінің қызметкерлері қатысқан екінші кездесу», - деді жиынға қатысқан ҚР ІІМ ҚАЖ Комитеті штаб-басқармасының бастығы Қайрат Мұрзашев. Жиында Келісім жобасына сәйкес, қылмыстық-атқару саясатын жүзеге асырудағы ынтымақтастықты дамытуға көңіл бөлінді. «Сонымен бірге, Келісім жобасына ТМД-ға мүше мемлекеттердің пенитенциарлық қызмет басшыларының кеңесі туралы Ереже жобасы құрылды. Бұл шара бойынша мемлекет ішіндегі үрдістер аяқталған соң аталған келісімге ТМД мүше елдердің Президенттері қол қояды деп жоспарланған», - деді Қ. Мұрзашев.
14:54, 24 Ақпан 2015
Минскіде ТМД-ға мүше мемлекеттердің пенитенциарлық қызмет басшыларының кеңесін құру мәселесі талқыланды
АСТАНА. ҚазАқпарат - Беларусь астанасы Минскіде ТМД-ның Атқарушы комитеті ТМД-ға мүше мемлекеттердің пенитенциарлық қызмет басшыларының кеңесін құру туралы Келісім жобасын талқылады, деп хабарлады ҚР ІІМ қылмыстық-атқару жүйесі комитетінің баспасөз қызметінен.