Клубтың баспасөз қызметінің хабарлауынша, енді Қазақстан ұлттық құрамасының бас бапкері, чех маманы Мирослав Баранек елордалық аяқдопшыларды да жаттықтырмақ.
2011 жылдан бастап ұлттық құрама тізгінін ұстаған М.Баранек өз елінде ғана емес, өзге шет елдерде де бапкерлік қызмет жасаған белгілі жаттықтырушы саналады. Атап айтқанда әр жылдары Чехияда «Славия», «Кладно», «Хмель», «Брно», Венгерияда «Дебрецен», БАӘ-де «Аль-Васл» командаларын және Чехия жастар құрамасы мен Чехия ұлттық құрамасы бас бапкерінің ассистенті боп жұмыс жасады. Ол жетекшілік жасаған футболшылар 2004 жылы Еуропа чемпионатында қола жүлдегер, ал 2002 жылы жастар арасындағы Еуропа чемпионатында үздік атанды. Сондай-ақ клубтық деңгейде Венгрия чемпионатының жеңімпазы және Чехия кубогының иегері болды.