Мирзиёев БҰҰ Бас хатшысына «Олий Даражали Дўстлик» орденін табыстады
ТАШКЕНТ. KAZINFORM — Өзбекстан астанасындағы «Көксарай» резиденциясында БҰҰ Бас хатшысы Антониу Гутерришті әлемде келісім мен ынтымақты белсенді ілгерілетудегі еңбегі, ұйым қызметінің тиімділігін арттыру, сондай-ақ, Өзбекстан мен БҰҰ арасындағы ынтымақтастықты нығайту жолындағы қызметі үшін Өзбекстанның ең жоғары мемлекеттік наградасының бірі — «Олий Даражали Дўстлик» орденімен марапаттау рәсімі өтті.
Марапатты тапсыру кезінде Өзбекстан мен БҰҰ арасындағы ынтымақтастықтың қазіргі жоғары деңгейіне Антониу Гутерриштің қосқан үлесі айрықша аталды.
Фото: Өзбекстан Президентінің баспасөз қызметі
Бас хатшының жаһандық және өңірлік маңызы бар кең ауқымды реформалар мен бастамаларды, сондай-ақ республикадағы БҰҰ институттарының қызметін кеңейтуді толық қолдайтыны сөз болды.
Фото: Өзбекстан Президентінің баспасөз қызметі
БҰҰ көшбасшысының халықаралық қауіпсіздік пен тұрақтылықты нығайту, жаһандық басқару институттарын реформалау, тұрақты даму мақсаттарына қол жеткізу, климаттың өзгеруімен күресу, «жасыл» және цифрлық даму, азық-түлік және энергетикалық қауіпсіздікті қамтамасыз етудегі ұзақмерзімді күш-жігері атап өтілді.
Нұрыбаев Жарасқан Бекназарұлы
1990 жылдың 12 қаңтарында Өзбекстан Республикасында туған.
"Низами" атындағы Ташкент Мемлекеттік Педагогика Университетінің түлегі.
Газет және телеарналарда тілші әрі тележүргізуші қызметін атқарған.
Бірнеше Халықаралық ақындар мүшәйрасының жүлдегері.
Қазіргі таңда ҚР Президентінің Телерадиокешенінде "Қазақпарат" ХАА шығарушы редакторы