Моңғолия халқының саны 3,3 миллионға жетті
09:33, 17 Қаңтар 2020
ҰЛАН-БАТЫР. ҚазАқпарат – Алдын ала мәлімет бойынша, 2019 жылдың соңында Моңғолия халқының саны 63,1 мың (1,9%) адамға артып, 3,3 миллион адамға жетті. Моңғолияның Ұлттық статистика басқармасы осылай деп мәлім етті, деп хабарлайды ҚазАқпарат Montsame басылымына сілтеме жасап.
Туу коэффициенті - мың адамға шаққанда 24,3 болса, өлім коэффициенті – 5,2. Халықтың табиғи өсімі мың адамға шаққанда 19,1-ді құрап отыр. 2018 жылмен салыстырғанда бала туу коэффициенті - 0,1 пайыздық тармаққа, бала туу коэффициенті - 0,2 пайызға төмендеген.
2019 жылы елде 80 мың 251 шақалақ дүниеге келсе, оның 78 мың 223-і немесе 97,5% - Моңғолияда, қалған 2 мың 28-і немесе 2,5% - шетелде дүниеге келген.