19:16, 21 Маусым 2023

Моңғолияда өтетін Grand Slam жарысына қатысатын Қазақстан дзюдо құрамасы анықталды

АСТАНА. ҚазАқпарат – 23-25 маусым аралығында Моңғолия астанасы Ұланбатырда дзюдодан Grand Slam турнирі өтеді, деп хабарлайды ҚазАқпарат тілшісі.

Қазақстан дзюдо федерациясының баспасөз қызметінен мәлім еткендей, айтулы додада бақ сынайтын ел құрамасы анықталды.

Ұланбатырдағы жарыста Қазақстаннан 17 спортшы ел намысын қорғайды.

Ерлер:

1. Нұрқанат Серікбаев (-60кг)

2. Шерзод Давлатов (-60кг)

3. Ғұмар Қырғызбаев (-66кг)

4. Ғұсман Қырғызбаев (-66кг)

5. Данияр Шамшаев (-73кг)

6. Жансай Смағұлов (-73кг)

7. Руслан Мұсаев (-81кг)

8. Абылайхан Жұбаназар (-81кг)

9. Ермахан Әнуарбеков (-90кг)

10. Аян Байғазы (-90кг)

11. Нұрлыхан Шархан (-100кг)

12. Бекзат Шағатаев (-100кг)

13. Әділ Оразбаев ( 100кг)

14. Нұрсұлтан Қаблан ( 100кг).

Әйелдер:

1. Ғалия Тынбаева (-48 кг)

2. Аруна Жангелдина (-78 кг)

3. Кәмила Берліқаш ( 78 кг).

Аталған додаға 45 елден 350 дзюдошы қатысады деп жоспарланған.

Сайыс қорытындысында IJF ережелеріне сәйкес жеңімпаздар мен жүлдегерлер әлемдік және олимпиадалық рейтингтер ұпайына ие болады.

Атап айтқанда, чемпиондарға 1000, күміс жүлдегерге – 700, ал 3 орын үшін 500 ұпайдан беріледі.

Еске сала кетейік, бұдан бұрын Qazaqstan Barysy Grand Slam жарысын Қазақстан құрамасының 7 медальмен қорытындылағанын жазған болатынбыз.

Моңғолия Спорт

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).