АСТАНА. KAZINFORM - Қазақстандықтар, әлемнің 59-ракеткасы Александр Шевченко Монпелье (Франция) ATP 250 турнирінің ширек финалына шықты.
Қазақстандық теннисші екінші айналымда әлемнің 104-ракеткасы, франциялық Грегуар Баррермен кездесті.
А.Шевченко бірінші партияда тай-брейкте әбжілдік танытты - 7:6 (7:3).
Екіншісінде франциялық спортшы қарымта қайырды - 6:2.
Шешуші, үшінші партияда Шевченко брейк жасап, басымдылығын сақтап қалды - 6:3.
Екі сағатқа созылған матчта А.Шевченко 6 эйс жасап, 7 брейк-пойнттың біреуін пайдалана білді. Қарсыласы 2 эйс, 2 брейкпен (5 брейк-пойнт) көзге түсті.
Осылайша, жарыстың ширек финалында Александр Шевченко мен Қазақстанның бірінші ракеткасы Александр Бублик өзара кездеседі. Қай жеңгені жартылай финалға өтеді.
Еске сала кетейік, бұдан бұрын Александр Бубликтің Монпелье турнирінің ширек финалына шыққанын жазған болатынбыз.
Сондай-ақ Жібек Құламбаева Үндістандағы жарыстың жартылай финалына өтті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).