Moody's Тұрғын үй құрылыс жинақ банкінің «жағымсыз» рейтингін «тұрақты» деп өзгертті

АСТАНА. ҚазАқпарат - Moody's Халықаралық рейтингтік агенттігі Тұрғын үй құрылыс жинақ банкіге қатысты өзінің «жағымсыз» жорамалын «тұрақтыға» өзгертті және оның («Бәйтерек» холдингінің еншілес ұйымы) елдің «Baa3» егеменді рейтингі деңгейіндегі ұзақмерзімді кредиттік рейтингісін растады, деп хабарлайды банктің баспасөз қызметі.

Бұған дейін Moody's Қазақстанның мемлекеттік рейтингін осылайша өзгерткен болатын. Болжамның бұлай өзгеруі еліміздің экономикасының жақсарып келе жатқандығын білдіреді.

«Болжамның өзгеруі және «Baa3» деңгейіндегі рейтингінің сақталуы - бұл жақсы белгі. Ол арқылы активтердің сапасының, қаржы көрсеткіштері жиынтығының рейтингтік агенттіктерді қанағаттандыра білгендігін байқауға болады. Банктің қатардағы клиенті үшін тұрақты рейтинг -бұл бірінші кезекте өз клиенттері алдында банктің барлық міндеттемелерді орындауының сенімді көрсеткіші»,- деді «Қазақстанның тұрғын үй құрылыс жинақ банкі» АҚ басқарма төрайымының орынбасары Жанар Жұбаниязова.

Жанар Жұбаниязова, сонымен қатар, банкінің қазіргі рейтингісі басқару қызметінің және бизнес-стартегиясының жоғары тиімділігін көрсететіндігін баса айтты. Тұрғын үй құрылыс жинақ банкі кредиттік портфель сапасына аса үлкен көңіл бөлуде. Қазіргі таңда, банктегі проблемалық заемдардың үлесі небәрі 0,41% құрайды. Мерзімі өткен қарыздардың мұндай төменгі көрсеткіші заемшылардың төлем тәртібін уақтылы жүргізетіндігімен түсіндіріледі.

Тұрғын үй құрылыс жинақ банкінде қазір 965 100 қолданыстағы депозит есептелді. 6 айдың өзінде ТҚЖ жүйесіне 200 мың жаңа қатысушы қосылды. 2017 жылы Тұрғын үй жағдайын жақсартуға 17 978 қазақстандық заем ала білді.