Мұхаммед Әлидің қолғаптары 836 мың долларға сатылды

АСТАНА. ҚазАқпарат - АҚШ-та өткен бәссаудада аты аңызға айналған боксшы Мұхаммед Әлидің қолғаптары $836 мыңға сатылды, деп жазады Утро.ру.

Атақты спортшы 1964 жылы нақ осы қолғаптарды киіп жұдырықтасқанында ауыр салмақ бойынша әлем чемпионы атағын иеленген болатын.

Сауда алдында бұл қолғаптар құны шамамен жарты миллион долларға бағаланған еді. Лотқа барлығы 11 сатып алушы қатысқан. Құнды қолғап иесінің есімі құпия сақталып отыр.