Мұхаммед пайғамбардың карикатурасын жариялаған даниялық басылым өз кеңсесін айнала қоршау салды

АСТАНА. Тамыздың 11-і. ҚазАқпарат - Осыдан 5 жыл бұрын Мұхаммед пайғамбардың карикатурасын жариялап, барша мұсылман қауымының азу-ызасын туғызған даниялық басылым лаңкестік шабуылдардан қорқып, өз кеңсесін айналдыра темір сымнан қоршау тұрғызды, деп хабарлайды «Маяк» радиосы.

Басылым Данияның қауіпсіздік қызметінің кеңесіне құлақ асып, осындай шара қабылдап отыр. Газеттің Висбю қаласындағы кеңсесі биіктігі 2,5 метр, ұзындығы 1 шақырым сым қорғанмен қоршалды.