12:20, 31 Мамыр 2024

Мұнайдың әлемдік биржадағы бағасы төмендеді

АСТАНА. KAZINFORM – Лондон қор биржасында мұнай бағасы төмендеді. Сауда-саттық деректеріне сәйкес, елорда уақытымен 9:44-тегі жағдай бойынша Brent маркалы мұнайының шілдедегі фьючерстері 2,35 пайызға құлдырап, барреліне 81,63 долларға жетті.

Фото: azertag.az

WTI мұнай фьючерстерінің бағасы шілде айында 2,03 пайызға төмендеп, барреліне 77,62 долларды құрап отыр. 

29-мамырдағы көрсеткіш жоғары. ICE Brent CrudeFutures мұнай фьючерстерінің шілде айындағы фьючерстерінің бағасы барреліне 84 доллардан асты, ал WTI-дегі фьючерстерде барреліне 80 доллардан жоғары болды. 

Бүгінде трейдерлер Таяу Шығыстағы жағдайды бақылауда ұстап отыр. 2 маусымда өтетін ОПЕК елдері өкілдерінің кездесуінде Алянс мұнай өндіруде қолданыстағы шектеулерді ұзартады деп күтілуде. 

                                                                                                                                                                                                                                    Ермұрат ЗҰЛҚАРНАЙ 

Экономика Әлем жаңалықтары Мұнай Биржа, акциялар
Абылайхан Жұмашев
1993 жылы 15 қарашада Атырау облысы Индер ауданында дүниеге келген. Фараби атындағы ҚазҰУ түлегі. А. Байтұрсынұлы атындағы Тіл білімі институтының магистрі.