Негізгі заңға өзгерістер енгізу бойынша комиссияның жетекшісі Амр Мұсаның айтуынша, конституция жобасы 247 баптан тұрады. Жақын арада ол Мысырдың уақытша басшысы Адли Мансұрдың мақұлдауына тапсырылады, содан кейін жалпыхалықтық референдумға шығарылмақ.
Аталған құжатта конституция референдумда бекітілгеннен соң алты айдан кейін елде сайлау өткізілетіні қарастырылған. Сонымен қатар комиссия мүшелерінің басым бөлігі елде алдымен президенттік, содан кейін парламенттік сайлауды өткізуге дауыс берді.