АСТАНА. 15 тамыз. ҚазАқпарат - Мысыр бойынша наразылық білдірушілердің полиция және әскер бөлімшелерімен қақтығысы салдарынан 525-тен кем емес адам опат болып, 3 мыңнан астамы жарақат алды. Бұл туралы ВВС хабарлады.
Ел билігінің мәлімдемесіне қарағанда, қаза болғандардың арасында 43 полиция қызметкері бар. Аталған қақтығыстар сәрсенбіде Каирде басталған болатын, кейін ол елдің басқа провинцияларында жалғасын тапты.
Каирде «Мұсылман бауырлар» қозғалысы бейсенбі кешке наразылықтың жаңа толқыны орын алатынын мәлімдеген көрінеді.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.