Мысырдағы қазақстандықтарды ұлттық қауіпсіздік қызметі ұстаған - СІМ
21:50, 27 Шілде 2017
АСТАНА. ҚазАқпарат - Мысырдағы қазақстандық студенттерді сол елдің ұлттық қауіпсіздік органы ұстаған, деп хабарлады ҚР Сыртқы істер министрлігі баспасөз қызметінің жетекшісі Әнуар Жайнақов.
«Бүгін Қазақстан Елшісі Мысыр Сыртқы істер министрінің орынбасарымен кездесті. Кездесу барысында Қазақстан азаматтарын ұлттық қауіпсіздік органы қызметкерлері ұстағаны белгілі болды. Толық мәліметтерді жақын арада хабарлайтын боламыз», - деді Ә.Жайнақов.
Бұған дейін Мысырда жоғалып кеткен 6 қазақстандық студентті Каирдің құқық қорғау органдары ұстап отырғандығы туралы хабарланған болатын.