Мюррей тыңғылықты жаттығулары мен моральдық дайындығы жайында сөз қозғады.
«Мен оның барлық мықты тұстарын қарап шықтым. Оның қателiктерiн айтпай-ақ қояйын, себебi оның қимылында айтарлықтай мiн жоқ. Мен Головкиннiң ең мықты жақтарын зерттедім. Барлығын ой елегiнен өткiздiм. Бұл маған дайын болуға көмектеседi. Ең бастысы - оның күшiне назар салу керек. Соққылары жойқын. Оның шеберлiгi де жоғары деңгейде, ол қарсыласын өз ыңғайына қарай көндіріп алады», - деді ол.
«Ол мықты панчер ғана емес, сонымен қатар шебер боксшы. Бiрақ бiз оның қорғанысынан бiрдi-екiлi кемшiлiктер байқадық. Маған соны пайдаланып қалу керек, менiң қолымнан барлығы келедi деп сенемiн. Жекпе-жек сұрапыл болатыны анық, мен барлық ауыртпалықтарды еңсеруге дайынмын. Бұл менiң жекпе-жегiм, менiң мүмкiндiгiм және мен жеңiсті ғана ойлаймын. Кездесу ұзақ әрi ауыр болады. Рингте нағыз айқас болады, мен оған дайынмын. Соны тағатсыздана күтiп отырмын», - дедi Мартин Мюррей.