Н. Әбдібеков: ҚазАқпараттың артықшылығы - нақты, жедел және толық ақпаратты таратуы
20:46, 13 Тамыз 2015
ҚАРАҒАНДЫ-АСТАНА. ҚазАқпарат - Қарағанды облысының әкімі Нұрмұхамбет Әбдібеков «ҚазАқпарат» ХАА ұжымын 95 жылдығымен құттықтады.
Құрметті Д ә урен Ке ң ес ұлы !
Сізді және сіз басқаратын ұжымды 95 жылдық мерейтоймен құттықтаймын!
ҚазТАГ және ҚазААГ ақпараттық агенттіктерінің құқықтық мұрагері ретінде «ҚазАқпарат» жеке агенттік ретінде қалыптасты. Оның артықшылығы - елдің және оның өңірлерінің әлеуметтік-экономикалық, қоғамдық-саяси өмірі, Елбасы Нұрсұлтан Әбішұлы Назарбаевтың бастамасымен құрылған ауқымды реформалардың жүзеге асуы туралы нақты, жедел және толық ақпаратты таратуы.
Сізге және шығармашылық ұжымыңызға мықты денсаулық, бақыт пен береке, жауапты істеріңізде жаңа жетістіктер тілеймін.
Құрметпен, Қарағанды облысының әкімі Н. Әбдібеков», - деп жазылған құттықтауда.