Н. Назарбаев бизнесті заңсыз тексеру тыйылмаса бірқатар тексеруші органдарды тарататынын қатаң ескертті
17:28, 20 Желтоқсан 2013
АСТАНА. 20 желтоқсан. ҚазАқпарат - Бүгін елордадағы Тәуелсіздік сарайында өтіп жатқан «Индустрияландыру күні» барысында Елбасы Нұрсұлтан Назарбаев бизнесті заңсыз тексеру тыйылмаса бірқатар тексеруші органдарды тарату туралы шешім қабылдауы мүмкін екендігін қатаң ескертті.
«Барлық министрліктер бүгінде тексерудің қысымында жүр. Олар қайдан шығып жатыр? Бізде Парламент жанындағы Есеп палатасы бар. Оның міндеті - кеңестік анахронизммен айналысу емес, аудит жүргізу. Жасырын арыз қаралмасын. Өздері арыз жазып алады да, өздері тексереді. Мұндай жолмен кете берсек, мен Қазақстандағы бірқатар тексеруші органдарды тарату туралы шешім қабылдаймын», - деді Елбасы.