Н.Назарбаев: Қазақстан мен Польшаның өзара тауар айналымы арта түседі
«Біз Польша Республикасымен өзара тиімді ынтымақтастықты дамытуға мүдделіміз. Қазақстан пен Польша қарым-қатынастары жүйелі дамып келеді. Жоғары деңгейдегі сенімді диалог орныққан. Бұған менің Біріккен Ұлттар Ұйымы Бас ассамблеясының 70-ші сессиясы аясында Польша Президенті Анджей Дудамен кездесуім ықпал етті. Сауда-экономикалық байланыстары жанданып, өзара тауар айналымы ұлғаяды деп үміттенеміз», - деп тоқталды Елбасы. Өз кезегінде сенім грамоталарын тапсыру рәсімінен кейін Польша Елшісі Мачей Ланг Қазақстандағы қызметіне жоғары жауапкершілікпен қарайтындығын атап өтті. «Польша мен Қазақстанды мәдени және саяси-экономикалық ынтымақтастық байланыстырады. Осыған орай аса жауапты міндеттеріме кірісе отырып, Польша Президенті артқан сенімді ақтап, елдеріміз арасындағы ынтымақтастықты, достық қатынастарды нығайтып, өркендете түсуге уәде беремін», - деді Елші.